დიდ ბრიტანეთში კორონავირუსის ვაქცინა მოსახლეობისთვის ხელმისაწვდომი 2 კვირაში იქნება

დიდ ბრიტანეთში კორონავირუსის ვაქცინა მოსახლეობისთვის ხელმისაწვდომი 2 კვირაში იქნება – ამ ინფორმაციას სამეფოს მედიკამენტებისა და სამედიცინო აღჭურვილობის მარეგულირებელი სააგენტო ავრცელებს.

„ვაქცინის ხელმისაწვდომობის შესახებ ახალი ამბავი დამაიმედებელია. ეს ნიშნავს, რომ 2021 წელს დიდი ოპტიმიზმით შევხვდებით. ვაქცინაცია კორონავირუსის შემთხვევების რაოდენობას მნიშვნელოვნად შეამცირებს“, – აცხადებენ სააგენტოში.

ამასთან ცნობილი გახდა, რომ მომავალი კვირიდან ინგლისის 50 სამედიცინო ცენტრში მოსახლეობის ვაქცინაცია დაიწყება. ბოლო მონაცემებით, გაერთიანებულ სამეფოში კორონავირუსის 1.7 მილიონზე მეტი შემთხვევა ფიქრდება, ვირუსს 61 000-ზე მეტი ადამიანი ემსხვერპლა.