გაერომ მარიხუანა სახიფათო ნარკოტიკული საშუალებების სიიდან ამოიღო

გაეროს კომისიამ, რომელიც ნარკოტიკულ საშუალებებთან დაკავშირებულ საკითხებზე მუშაობს, მარიხუანას მსოფლიოს ყველაზე სახიფათო ნარკოტიკული საშუალებების სიიდან ამოღებას დაუჭირა მხარი. აღნიშნული საკითხი ჯანდაცვის მსოფლიო ორგანიზაციის რეკომენდაცია გახლდათ. კერძოდ, კანაფისა და კანაფის ფისის ნარკოტიკული საშუალებების 1961 წლის კონვენციის IV დანართიდან ამოღება, სადაც ის ჰეროინთან და სხვა სინთეტიკურ ნარკოტიკულ პრეპარატებთა ერთად იყო დასახელებული. აღნიშნულ კატეგორიაში შესული ნივთიერებები მონათლულია, როგორც განსაკუთრებით მავნე , ძლიერ დამოკიდებულების გამომწვევი.