ლევან თარხნიშვილის განცხადებით, მე-10 მოწვევის პარლამენტის შეკრების დღეს შესაძლებელია არა მასობრივი, არამედ სიმბოლური აქცია გაიმართოს
Nanuka
ნოე 27
“ევროპული საქართველოს” წევრის ლევან თარხნიშვილის განცხადებით, მე-10 მოწვევის პარლამენტის შეკრების დღეს შესაძლებელია არა მასობრივი, არამედ სიმბოლური აქცია იყოს.
როგორც ლევან თარხნიშვილმა ჟურნალისტებს განუცხადა, “ლელოს” ოფისში ოპოზიციური პარტიების წევრების შეხვედრაზე იმის შესახებ იმსჯელებენ, თუ როგორი იქნება მათი სამომავლო ნაბიჯები.
„შევიკრიბეთ, რომ განვიხილოთ თუ როგორ გაგრძელდება ჩვენი ბრძოლა და მოქმედება. არა მარტო პარლამენტის შეკრების დღეს, არამედ შემდგომშიც, არსებული რეალურობიდან გამომდინარე, განიხილება სხვადასხვა ვარიანტები. განიხილება როგორც სიმბოლური აქცია, ისე სხვადასხვა ტიპის აქციები. ამას უახლოეს დღეებში საბოლოოდ გადავწყვეტთ და გავაცნობთ საზოაგდოებას,“-განაცხადა თარხნიშვილმა.
ipn
