გიორგი კანდელაკი – „ქართულმა ოცნებამ” უნდა მოიტანოს გონივრული წინადადება, როგორ შეიცვალოს ის სიტუაცია, რომელშიც ქვეყანას გაუჩნდა არალეგიტიმური პარლამენტი
„ევროპული საქართველოს” წევრის, გიორგი კანდელაკის განცხადებით, „ქართულმა ოცნებამ” მოლაპარაკებებზე უნდა მიიტანის გონივრული წინადადება, თუ როგორ გაჩნდეს ლეგიტიმური პარლამენტი, რომელიც ასახავს საზოგადოების განწყობას.
როგორც კანდელაკმა აღნიშნა, ერთადერთი გზა, რათა გაჩნდეს ლეგიტიმური პარლამენტი, ეს არის არჩევნები.
„ყველა ოპოზიციური პარტიის მტკიცე გადაწყვეტილება გაყალბების, მანიპულაციებისა და კრიმინალის მასშტაბიდან გამომდინარე არის შემდგარი ფაქტი პარლამენტში არ მონაწილეობაზე. ეს შემდგარი ფაქტი სამწუხაროდ, ძალიან დიდი პრობლემის მომტანია ქვეყნისთვისაც, მაგრამ პირველ რიგში, „ქართული ოცნებისთვის”.
ამრიგად, ახლა ბურთი არის „ქართული ოცნების“ მხარეს, „ქართულმა ოცნებამ” უნდა მოიტანოს გონივრული წინადადება, როგორ შეიცვალოს ის სიტუაცია, რომელშიც ქვეყანას გაუჩნდა არალეგიტიმური პარლამენტი და როგორ უნდა გაჩნდეს ქვეყანაში ლეგიტიმური პარლამენტი, რომელიც საზოგადოების განწყობას ასახავს. ერთადერთი გზა, რომ გაჩნდეს ლეგიტიმური პარლამენტი, რომელიც ასახავს საზოგადოების განწყობას, არის არჩევნები, ხოლო ამის მიღმა არის უამრავი დეტალი, რაც, რა თქმა უნდა, ექვემდებარება მოლაპარაკებას,“ – განაცხადა კანდელაკმა.
ipn
