ინდოეთმა AstraZeneca-ს მიერ შექმნილი კორონავირუსის პოტენციური ვაქცინის 40 მილიონი დოზა დაამზადა

ვაქცინების მსოფლიოს უმსხვილესმა მწარმოებელმა „ინდოეთის სერუმის ინსტიტუტმა“ AstraZeneca-სა და „ოქსფორდის უნივერსიტეტის“ მიერ ერთობლივად შექნილი კოვიდ 19-ის საწინააღმდეგო პოტენციური ვაქცინის 40 მილიონი დოზა დაამზადა, – ამის შესახებ ინფორმაციას Reuters-ი ორგანიზაციაზე დაყრდნობით ავრცელებს.

Reuters-ი წერს, რომ ჯერჯერობით „ინდოეთის სერუმის ინსტიტუტში“ არ აკონკრეტებენ, ვაქცინის წარმოებული 40 მილიონი დოზა მხოლოდ ინდოეთისთვის არის თუ არა განკუთვნილი.

„სერუმის ინსტიტუტი“ უახლოეს მომავალში Novavax-ის მიერ შექმნილი კოვიდ 19-ის პოტენციური ვაქცინის წარმოების დაწყებასაც გეგმავს. აღსანიშნავია, რომ არც AstraZeneca-სა და არც Novavax-ის მიერ შექმნილი ვაქცინები მარეგულირებელ ორგანოს ჯერჯერობით არ დაუმტკიცებია.

interpressnews