საქართველოს, არჩევნებზე დაკვირვების მიზნით, დღეს ევროპის საბჭოს საპარლამენტო ასამბლეის 9-კაციანი დელეგაცია ეწვევა

საქართველოს, 31 ოქტომბრის საპარლამენტო არჩევნებზე დაკვირვების მიზნით, დღეს ევროპის საბჭოს საპარლამენტო ასამბლეის 9-კაციანი დელეგაცია ეწვევა, – შესაბამისი ინფორმაცია ევროპის საბჭოს საპარლამენტო ასამბლეის ვებგვერდზეა გამოქვეყნებული.

„9 წევრისგან შემდგარი დელეგაცია, რომელსაც ტინი კოქსი ხელმძღვანელობს, 29 ოქტომბრიდან 1 ნოემბრამდე საქართველოს ესტუმრება და საპარლამენტო არჩევნებს დააკვირდება,“- აღნიშნულია ინფორმაციაში.

მათივე ცნობით, არჩევნების დაკვირვებამდე დელეგაციის წევრები პოლიტიკური პარტიების წარმომადგენლებს, ცენტრალური საარჩევნო კომისიის თავმჯდომარეს, სამოქალაქო საზოგადოებისა და მედიის წარმომადგენლებს შეხვდებიან.

interpressnews