დღეიდან ბელარუსში ალექსანდრე ლუკაშენკოს გადადგომის მოთხოვნით მასშტაბური გაფიცვები დაიწყება

დღეიდან ბელარუსში ალექსანდრე ლუკაშენკოს გადადგომის მოთხოვნით მასშტაბური გაფიცვები დაიწყება.

ოპოზიციის განმარტებით, ლუკაშენკოსათვის წარდგენილი ულტიმატუმის ვადა ამოიწურა და ისინი მასშტაბურ გამოსვლებსა და გზების ბლოკირებას აპირებენ. ბელარუსის ოპოზიციის ლიდერმა სვეტლანა ტიხანოვსკაიამ მოსახლეობას მხარდაჭერისკენ მოუწოდა და განაცხადა, რომ აქციები იქამდე არ შეწყდება, სანამ ლუკაშენკო არ გადადგება.

შეგახსენებთ, ბელარუსში ალექსანდრე ლუკაშენკოს გადადგომის მოთხოვნით საპროტესტო აქციები ყოველ კვირას იმართება. გასულ დღეს მინსკის ქუჩებში 100 000-ზე მეტი ადამიანი შეიკრიბა. სამართალდამცავებმა 200-მდე აქტივისტი დააკავეს.

interpressnews