დონალდ ტრამპი – ჯო ბაიდენთან დებატებში მონაწილეობას მივიღებ, თუმცა ვთვლი, რომ ეს უსამართლობაა

აშშ-ის პრეზიდენტი დონალდ ტრამპი აცხადებს, რომ „დემოკრატების“ საპრეზიდენტო კანდიდატ ჯო ბაიდენთან დებატებში მონაწილეობას მიიღებს, თუმცა მიიჩნევს, რომ ეს უსამართლობაა.

„ჯო ბაიდენთან დებატებში მონაწილეობას მივიღებ, თუმცა ვთვლი, რომ ეს უსამართლობაა. მათ დებატების თემები შეცვალეს და ასევე უსამართლობაა, რომ გვყავს წამყვანი, რომელიც აბსოლუტურად მიკერძოებულია“, – განაცხადა ტრამპმა.

პრეზიდენტობის კანდიდატებს შორის დებატები 22 ოქტომბერს ტენესის შტატში გაიმართება. დებატების ორგანიზატორების განცხადებით, ამჯერად კანდიდატებს სპეციალური ღილაკის მეშვეობით მოწინააღმდეგისთვის ხმის გათიშვის შესაძლებლობა ექნებათ, რათა ერთმანეთს საუბარი არ შეაწყვეტინონ. ამერიკის შეერთებულ შტატებში საპრეზიდენტო არჩევნები 3 ნოემბერს არის დაგეგმილი.

ინტერპრესნიუსი