გიორგი გახარია – არ იქნება მარტივი, პანდემიაა, ეკონომიკური კრიზისია – გადასული ვართ შიდა ტურიზმის სტიმულირებაზე, მაგრამ ყველას გვესმის, რომ ეს საკმარისი არ არის

პოლიტიკური მოძრაობა „სტრატეგია აღმაშენებელის” ლიდერი გიორგი ვაშაძე თავის გუნდთან ერთად რეგიონულ შეხდრებს ზუგდიდის რაიონის ამომრჩევლებთან აგრძელებს.

როგორც „ინტერპრესნიუსს“ „სტრატეგია აღმაშენებლიდან” აცნობეს, ვაშაძე მუნიციპალიტეტის მცხოვრებთა პრობლემებს გაეცნო, თავის მხრივ კი, ადგილობრივებს საკუთარი წინასაარჩევნო პროგრამა წარუდგინა.

„ზუგდიდის რაიონის სოფლები შემოვიარე და დღეს უფრო მეტი გაჭირვება და კრიმინალი დამხვდა, ვიდრე ერთი თვის წინ. გაიზარდა კრიმინალი, საკმაოდ, მძიმე კრიმინოგენური მდგომარეობაა. დღეს კიდევ მეტი მოხუცი თუ ახალგაზრდა დამხვდა, რომელიც ამბობს, რომ ამ ქვეყანაში პერსპექტივას ვერ ხედავს. ეს არის ის, რაც მოიტანა „დამსხვრეული ოცნებების” , ივანიშვილის მთავრობამ ბოლო რვა წლის განმავლობაში. ისინი გვპირდებოდნენ, რომ ქალაქი და სოფელი აყვავდებოდა, რომ სამართლიანობა იზეიმებდა ქვეყანაში. სწორედ, აქ იდგნენ ზუგდიდში, თქვენთან ერთად, თქვენს წინაშე და გასცემდნენ უპირობო დაპირებებს, რომ საქართველოში არ იქნებოდა არცერთი დაჩაგრული ადამიანი”, – განაცხადა ვაშაძემ ზუგდიდში, დადიანების სასახლეში შეკრებილ მხარდამჭერებთან საუბრისას.

როგორც „სტრატეგია აღმაშენებელის” მიერ გავრცელებულ ინფორმაციაშია აღნიშნული, გიორგი გაშაძე „დამსხვრეული ოცნებების” პარტიის დაპირებებს შეეხო, რომელიც, მათივე მტკიცებით, 8 წლის განმავლობაში არ შესრულებულა.

ამასთან, ვაშაძემ ხაზი გაუსვა, რომ „ქართული ოცნების“ მთავრობისთვის სამეგრელო არის დავიწყებული რეგიონი. კერძოდ, ვაშაძის მტკიცებით, მათ არ აინტერესებთ, რომ მოქალაქეები მარტო დარჩებიან სიღარიბესა და დანაშაულთან; მათ არ ადარდებთ, რომ ხალხი ცხოვრობს შიშსა და უიმედობაში და ამ ფონზე, მხოლოდ საკუთარ თავზე ზრუნავენ.

„კითხვა მაქვს თქვენთან – ცხოვრობთ ახლა ბევრად უფრო კარგად, ვიდრე რვა წლის წინ ცხოვრობდით? გაუმჯობესდა საქართველოში სოციალური ან ეკონომიკური მდგომარეობა, ვიდრე რვა წლის წინ იყო? იქმნება სამუშაო ადგილები ქვეყანაში? სამწუხაროდ, პოზიტიურს ვერაფერს მეტყვით. ეს არის სამწუხარო რეალობა, რაც დღეს საქართველოშია, ეს არის ის უმძიმესი რეალობა.

რვა წლიანმა „დამსხვრეული ოცნებების” მთავრობამ დაამსხვრია საქართველოს პერსპექტივა, თვითონ გამდიდრდნენ – ხალხი გაღარიბდა, ამ ფონზე კი, კრიმინალი გამძვინვარდა. სამი უმძიმესი პრობლემა, რომელიც დღეს ახლა ქვეყანაში გვაქვს -პირველი ეს არის შიმშილი, სიღარიბე და გაუსაძლისი გაჭირვება რაც ქვეყანაში მოიტანა ამ მმართველობამ, მეორე – გამეფებული კრიმინალი, მესამე – სრული მორღვევა ჩვენი საგარეო ვექტორის. აი, ეს მოიტანა „ქართული ოცნების” მმართველობამ”. ამერიკის შეერთებული შტატები, ჩვენი სტრატეგიული პარტნიორი სანქციებს გვიწესებს ჩვენ, საქართველოს, მაშინ როცა ნომერ პირველი პარტნიორები ვიყავით რეგიონში. არ ვაპირებ შევეგუო ამ უსამართლობას, ამას არ დავუშვებ”, – განაცხადა „სტრატეგია აღმაშენებლის” ლიდერმა.

გიორგი ვაშაძე „ოცნების“ მთავრობის მხრიდან დაწყებულ წინასაარჩევნო კამპანიასაც შეეხო და ამომრჩევლებს კითხვებით მიმართა.

„ამ დღეებში, არაერთი პრეზენტაცია ჰქონდა „ქართული ოცნების” წარმომადგენლებს და ისევ და ისევ უამრავ დაპირებებს გასცემენ და გუშინ მოვისმინე, რომ ყველა სოფელში გზა უნდა გავიყვანოთ! კითხვას ვსვამ, სად იყავით რვა წელი? რატომ არ გაიყვანეთ ეს გზა? თეთრიწყაროში ჩავიდნენ და მოსახლეობას წყლის პრობლემის მოგვარებას დაპირდნენ. სად იყავით რვა წელი და რატომ არ მოაგვარეთ ეს წყლის პრობლემა? მითხარით სად არის ქვეყნის განვითარების ხედვა, რომელსაც ჰპირდებოდით. რატომ არ არის არცერთი საქართველოს მოქალაქე, თქვენი ნათესავ-მეგობრების გარდა, ვინც საკუთარ თავზე იგრძნო ამ ქვეყნის განვითარება? როდემდე უნდა მოატყუოთ ხალხი? როდემდე უნდა დაჩაგროთ საქართველოს მოსახლეობა? როდემდე უნდა გაუქროთ მომავლის რწმენა ქართველ ახალგაზრდებს? როდემდე უნდა ძარცვოთ პენსიონრები, რომლებიც 36%-იან სესხს იხდიან „ლიბერთი ბანკში”? როდემდე უნდა ამყოფოთ უმძიმეს მდგომარეობაში დევნილები, რომლებსაც კაპიკებს აძლევთ და საცხოვრებლითაც კი ვერ უზრუნველყავით ამ რვა წლის მანძილზე?“ – განაცხადა ვაშაძემ.

ვაშაძე მისასალმებელ სიტყვაში საკუთარ სამშობლოში იძულებით გადადგილებულ თანამოქალაქეების პრობლემებსაც შეეხო და აღნიშნა, რომ „ჩემი მთავრობის პრიორიტეტი იქნება ამ უსამართლოდ დევნილი ადამიანებისთვის ღირსეული ცხოვრების პირობების შექმნა და თავიანთ საცხოვრებელ სახლებში, აფხაზეთსა და სამაჩაბლოს რეგიონში მშვიდობიანი ღირსეული დაბრუნება“.

მთიანი აჭარა, თავისი სტუმარ-მასპინძლობით, ბუნებით, განვითარების პოტენციალით, რა თქმა უნდა, ბათუმთან ერთად, არის უნიკალური პოტენციალის მატარებელი კუთხე საქართველოში,- ამის შესახებ საქართველოს პრემიერ-მინისტრმა გიორგი გახარიამ ხულოში, ხულოს, შუახევის, ქედისა და ხელვაჩაურის მაჟორიტარი დეპუტატობის კანდიდატის ანზორ ბოლქვაძისა და აჭარის ავტონომიური რესპუბლიკის უმაღლესი საბჭოს დეპუტატობის კანდიდატის ფრიდონ ფუტკარაძის წარდგენისას განაცხადა.

მთავრობის მეთაურმა ხაზი გაუსვა, რომ ეს კუთხე, ქვეყნისთვის ყოველთვის სამაგალითო იყო.

„მოგესალმებით აჭარის და საქართველოს ულამაზეს კუთხეში, ხულოში. პატივია, აქ, თქვენთან ყოფნა და საუბარი, რა თქმა უნდა, პირველ რიგში, მომავალზე, მაგრამ, სანამ ამ საუბარზე გადავალთ, ყველა უნდა შევთანხმდეთ, რომ ეს კუთხე ქვეყნისთვის ყოველთვის იყო სამაგალითო. მთიანი აჭარა, თავისი სტუმარ-მასპინძლობით, ბუნებით, განვითარების პოტენციალით, რა თქმა უნდა, ბათუმთან ერთად, არის უნიკალური პოტენციალის მატარებელი კუთხე საქართველოში. ყველა უნდა შევთანხმდეთ ერთ რამეზე, თქვენი წარმატება და ის, რაც ბათუმსა და აჭარაში ხდება, აჭარის განვითარება, ყოველთვის იყო, არის და იქნება საამაყო თითოეული ქართველისთვის. ეს ჩვენი, ყველას პასუხისმგებლობაა”, – განაცხადა პრემიერ-მინისტრმა.

გიორგი გახარიამ ყურადღება გაამახვილა, თუ რა უნდა გაკეთდეს სამომავლოდ ხულოში და ხაზი გაუსვა, რომ ის, თუ რა გაკეთდა ხულოს მუნიციპალიტეტში, ამას ყველა ხედავს და არ სჭირდება დამატებითი სიტყვები.

„მიუხედავად იმისა, რომ ბევრი დაპირება იყო ისეთი, რომელიც ცოტა უფრო ადრე უნდა განგვეხორციელებინა, როგორიც არის, მაგალითად ხულო-ზარზმის გზა, მაგრამ ახლა, აქ ვართ ყველა და ყველამ უნდა იცოდეს, მიუხედავად იმისა, რომ ეს ადრე უნდა დაწყებულიყო და ადრე დამთავრებულიყო, უახლოეს 3 წელიწადში, ეს გზა დაიწყო უკვე და დასრულდება. ეს არ არის დაპირება, ეს უკვე საქმეა. ეს ისეთი საქმეა, რომელიც ჩვენ, ბევრი დავიწყეთ და დასასრულებელი გვაქვს, ისევე, როგორც ხულოს და მაღალმთიანი აჭარის, საერთოდ, გაზით მომარაგება. მაგისტრალური გაზი აქ უკვე გამოყვანილია, დაერთება დროის საკითხია და ესეც, სისტემური ინფრასტრუქტურის მოგვარების თემაა. შემდეგი თემაა სასმელი წყალი, რომელიც ასევე უნდა მოგვარდეს. რა თქმა უნდა, ჩვენ უნდა ვიზრუნოთ ყველამ ჩვენს მომავალ თაობაზე, ინფრასტრუქტურულად სკოლები მოვიყვანოთ წესრიგში, ავაშენოთ ახალი საბავშვო ბაღები და ა.შ. ეს ყველაფერი არის ის, რაც ჩვენ ყველამ ერთად უნდა გავაკეთოთ და ამის გაკეთების ძირითადი მიზანი გახლავთ ის, რომ თითოეული ადამიანი, რომელიც ხულოში და მაღალმთიან აჭარაში ცხოვრობს, არაფრით უნდა განსხვავდებოდეს ადამიანისგან, რომელიც ბათუმში ან თბილისში ცხოვრობს. მათ თანაბარი შესაძლებლობები უნდა ჰქონდეთ და ეს განსაკუთრებით მნიშვნელოვანია ახალგაზრდებისთვის. ეს არის ის, რისთვისაც ჩვენ ყოველდღიურად უნდა ვიშრომოთ, იმის მიუხედავად, რა წინააღმდეგობები გველის წინ”, – განაცხადა გიორგი გახარიამ.

პრემიერ-მინისტრის თქმით, მთავარია, რომ ერთად, კეთილსინდისიერად და სამართლიანად მოვუაროთ ამ კუთხეს და ამ ქვეყანას იმისთვის, რომ უახლოეს პერიოდში საქართველო იყოს ეკონომიკურად ძლიერი, გამართული ევროპული სახელმწიფო.

„არ იქნება მარტივი, პანდემიაა, ეკონომიკური კრიზისია, ყველა კარგად ვხედავთ, მაღალმთიან აჭარას როგორ დაეტყო ტურისტის შემცირება. ჩვენ ახლა გადასული ვართ შიდა ტურიზმის სტიმულირებაზე, მაგრამ ყველას გვესმის, რომ ეს საკმარისი არ არის. მთავარია ის, რომ უნდა გვჯეროდეს და ვიცოდეთ, რომ ერთად, კეთილსინდისიერად და სამართლიანად უნდა მოვუაროთ ამ კუთხეს და ამ ქვეყანას იმისთვის, რომ უახლოეს პერიოდში საქართველო იყოს ეკონომიკურად ძლიერი, გამართული ევროპული სახელმწიფო. ეს არის ის, რაც უნდა დავუტოვოთ ჩვენს მომავალ თაობებს და ჩვენს შვილებს.

დარწმუნებული ვარ, ამაში თქვენი არჩევანიც მოგვეხმარება, რადგან დიდი მნიშვნელობა აქვს, ვინ წარმოადგენს ხულოს ხმას როგორც საქართველოს უმაღლეს საკანონმდებლო ორგანოში, ასევე აჭარის უმაღლეს საბჭოში. ეს ადამიანები არიან ის ადამიანები, რომლებსაც თქვენ კარგად იცნობთ და რომლებსაც თავისი ცხოვრებით, განვლილი გზით დაუმტკიცებიათ, რომ პირველ რიგში ზრუნავენ მაღალმთიან აჭარაზე, ხულოელებზე და რაც მთავარია, ადამიანზე. ამიტომ, დარწმუნებული ვარ, ჩვენ 31 ოქტომბერს გავიმარჯვებთ და რაც მთავარია, გავიმარჯვებთ სამართლიანად. გამარჯვებას გისურვებთ!” – აღნიშნა მთავრობის მეთაურმა.
interpressnews