ავსტრალიის მთავრობა მოსახლეობას კორონავირუსზე უფასო ვაქცინაციას ჰპირდება

ავსტრალიამ ბრიტანულ ფარმაცევტულ კომპანია AstraZeneca-სთან კორონავირუსის პოტენციური ვაქცინის მიწოდებასთან დაკავშირებით შეთანხმებას მიაღწია.

„თუ ამ ვაქცინის წარმატება დადასტურდება, მის წარმოებას დაუყოვნებლივ დავიწყებთ და 25 მილიონ ავსტრალიელს უფასოდ მივაწვდით. თუმცა, ჯერჯერობით, არ არსებობს იმის გარანტია, რომ ან ეს ან სხვა ვაქცინა წარმატებით იმუშავებს,“- აღნიშნულია ავსტრალიის პრემიერ-მინისტრის, სკოტ მორისონის, მიერ გავრცელებულ განცხადებაში.

მისივე თქმით, მსოფლიოში უამრავ ვაქცინაზე მუშაობენ, თუმცა AstraZeneca-სა და „ოქსფორდის უნივერსიტეტის“ ერთობლივი პროექტი ამ ეტაპზე „ყველაზე პერსპექტიულია.“

ავსტრალიის ხელისუფლებაში AstraZeneca-სთან გაფორმებული კონტრაქტის ღირებულებას არ აკონკრეტებენ.

ცნობისათვის, ბოლო მონაცემებით, ავსტრალიაში კორონავირუსის 23 989 შემთხვევაა დადასტურებული, 450 ადამიანი კი – დაღუპულია.

interpressnews