თურქეთში ოჯახური ძალადობის წინააღმდეგ საპროტესტო აქცია გაიმართა

თურქეთის ქალაქ სტამბოლში ოჯახური ძალადობის წინააღმდეგ საპროტესტო აქცია გაიმართა, რომელშიც ათასობით ქალმა მიიღო მონაწილეობა.

აქციის მონაწილეები 27 წლის სტუდენტის, პინარ გულტეკინის წამებით მკვლელობას აპროტესტებდნენ, რომელიც ოჯახური ძალადობის მსხვერპლი რამდენიმე დღის წინ გახდა.

აქტივისტების თქმით, ბოლო დროს ქვეყანაში ქალთა მიმართ ძალადობის შემთხვევები განსაკუთრებით გაიზარდა.

ჯანდაცვის მსოფლიო ორგანიზაციის კვლევის მიხედვით, თურქეთში ქალთა 38% ოჯახური ძალადობის მსხვერპლი ცხოვრებაში ერთხელ მაინც გამხდარა.

interpressnews