“ლელო” საკონსტიტუციო სასამართლოში საგანგებო მდგომარეობის დროს დაწესებულ შეზღუდვებს ასაჩივრებს

პოლიტიკური მოძრაობა “ლელო” საკონსტიტუციო სასამართლოში საგანგებო მდგომარეობის დროს დაწესებულ შეზღუდვებს ასაჩივრებს. მოსარჩელე მხარეს მიაჩნია, რომ ქვეყანაში პანდემიის დროს საგანგებო მდგომარეობა პრეზიდენტის დეკრეტით უნდა ყოფილიყო გაწერილი და საქართველოს მთავრობას არ უნდა ჰქონდოდა მსგავსი უფლებამოსილება, რადგან მთავრობამ საკუთარი შეხედულების შესაბამისად მიიღო სხვადასხვა უფლების შეზღუდვა.

მოსარჩელე მხარე თვლის, რომ საქართველოს მთავრობის მიმართ ასეთი უფლების მინიჭება კონსტიტუციასთან წინააღმდეგობაში მოდის.

საქმეს საკონსტიტუციო სასამართლოს პლენუმი განიხილავს. პოლიტიკურ მოძრაობა “ლელოს” წევრები ამბობენ, რომ თუ მათი სარჩელი სასამართლომ დააკმაყოფილა, მთავრობას მოუწევს იმ მოქალაქეებს ზარალი აუნაზღაუროს, რომლებიც „კომენდატის საათის“ დარღვევის გამო დაჯარიმდნენ.

interpressnews