რომან გოცირიძე – ლუგარის ლაბორატორიის ირგვლივ არსებული თემა არის საქართველოზე ზემოქმედების ერთ-ერთი ფორმა რუსეთის მიერ და ჰიბრიდული ომის ნაწილი

ლუგარის ლაბორატორიის ირგვლივ არსებული თემა არის საქართველოზე ზემოქმედების ერთ-ერთი ფორმა რუსეთის მიერ და ჰიბრიდული ომის ნაწილი,- ასე აფასებს ფრაქცია „ნაციონალური მოძრაობის” თავმჯდომარე რომან გოცირიძე რუსეთის საგარეო საქმეთა სამინისტროს განცხადებას იმის შესახებ, რომ ამერიკის შეერთებული შტატების საქმიანობა ლუგარის ლაბორატორიაში ეწინააღმდეგება ბიოლოგიური და ტოქსიკური იარაღის აკრძალვის შესახებ შეთანხმებას.

გოცირიძის თქმით, აღნიშნულ თემასთან დაკავშირებით საქართველოს ხელისუფლების პასუხი უნდა იყოს ძალიან მკაცრი.
ცნობისთვის, რუსეთის საგარეო საქმეთა სამინისტრომ განცხადება გაავრცელა, სადაც აღნიშნულია, რომ მოსკოვს სერიოზული კითხვები აქვს რუსეთის საზღვრების სიახლოვეს აშშ-ის სამხედრო-ბიოლოგიური აქტივობის შესახებ და მიიჩნევს, რომ შტატების საქმიანობა საქართველოში, ლუგარის ლაბორატორიაში ეწინააღმდეგება ბიოლოგიური და ტოქსიკური იარაღის აკრძალვის შესახებ შეთანხმებას.