დავით ჭიჭინაძე – ივანიშვილი გადაწყვეტს, სია ანბანის მიხედვით დაალაგოს, თუ მონობის

„ქართული ოცნების“ სიაში ვინ პირველი იქნება და ვინ ბოლო, მნიშვნელობა აღარ აქვს, წინიდანაც და უკნიდანაც ერთნაირია და იმიტომ, – ამის შესახებ პოლიტიკური მოძრაობა „ტრიბუნას“ ლიდერმა, დავით ჭიჭინაძემ განაცხადა. მისი თქმით, „სიას ერთი პატრონი ყავს, ბიძინა ივანიშვილი და ის გადაწყვეტს, ანბანის მიხედვით დაალაგოს, თუ მონობის მიხედვით“.

მისივე განცხადებით, „ოცნებას“ საზოგადოებისთვის ახალი სახეების შემოთავაზება ძალიან გაუჭირება.

„ქართულ ოცნებაში“ აღარც პოლიტიკური ფიგურა დარჩა და არც საზოგადოების მხარდაჭერა აქვთ. ჯერ ერთი, იმიტომ, რომ თან მათი ენა ამომრჩევლისთვის კი არაა განკუთვნილი, ეს ივანიშვილის ყურების მაამებელი განცხადებებია და მეორე, „ოცნებამ“ პრაქტიკულად ყველა დაპირებაზე უარი თქვა და ამომრჩევლები არაერთხელ „გადააგდო“. ამიტომ ვფიქრობ, მათ ძალიან გაუჭირდებათ ახალი, წონიანი სახეების მოძებნა და ისევ იმ მინისტრებში და დეპუტატებში იტრიალებენ, ვისაც ქვეყანასთან არანაირი კავშირი არ აქვს და მხოლოდ პირადი ინტერესების დაკმაყოფილებაზე არიან გადასული. რაც შეეხებათ გახარიას და ბახტაძის სიის სავარაუდო წევრობას, მათ პრემიერობის რაიმე განსაკუთრებული კურსები თუ გაიარეს და არ ვიცით, ესეც გაგვიმხილონ, გვეცოდინება მაინც“, – აცხადებს დავით ჭიჭინაძე.
interpressnews