ბათუმის საკათედრო ტაძრიდან ფული და ნივთები მოიპარეს
Nanuka
ივნ 02
ბათუმის ღვთისმშობლის შობის სახელობის საკათედრო ტაძარში დილით მისულ სასულიერო პირებს ტაძარი გაძარცვული დახვდათ.
ტაძრის დეკანოზმა, იოანე გორელიშვილმა განაცხადა, რომ გვიან ღამით, უცნობი პირები ტაძარში ერთ-ერთი კარიდან შევიდნენ, შესაწირავის ყუთი გატეხეს და თანხა მოიპარეს. რა თანხა იყო ყუთში უცნობია.
დეკანოზის ინფორმაციით, ჯიხურიდან, სადაც სანთლებს და საეკლესიო ნივთებს ყიდიან, მოპარულია ჯვრები და სამკაულები.
შემთხვევის ადგილი კრიმინალისტებმა შეისწავლეს. გამოძიება სისხლის სამართლის კოდექსის 177-ე, ქურდობის მუხლით მიმდინარეობს.
წყარო:radiotavisupleba
