მსოფლიოში გასული დღე-ღამის განმავლობაში კორონავირუსის ახალი შემთხვევების რეკორდული რაოდენობა დაფიქსირდა

ბოლო 24 საათის განმავლობაში მსოფლიოში კორონავირუსის 106 000 ახალი შემთხვევა დადასტურდა, რაც, პანდემიის გავრცელების დროიდან დღემდე ერთი დღე-ღამის მანძილზე გამოვლენილი შემთხვევების რეკორდული მაჩვენებელია, – ამის შესახებ ჯანდაცვის მსოფლიო ორგანიზაციის გენერალურმა დირექტორმა ტედროს ადანომ გებრეიესუსმა განაცხადა.
„მსოფლიოს ჯერ კიდევ გრძელი გზა აქვს გასავლელი ამ პანდემიასთან ბრძოლის მიმართულებით,“- აღნიშნა გებრეიესუსმა.

შეგახსენებთ, ბოლო მონაცემებით, მსოფლიოში კორონავირუსით დაინფიცირებულთა რაოდენობა 5 მილიონს აჭარბებს, დაღუპულია 329 731 და გამოჯანმრთელებულია 2 მილიონზე მეტი ადამიანი.