სოფელ ალავერდში საავტომობილო გზის სარეაბილიტაციო სამუშაოები გრძელდება

სოფელ ალავერდში საავტომობილო გზის სარეაბილიტაციო სამუშაოები გრძელდება!

სასოფლო გზა, რომლითაც ყოველდღიურ რეჟიმში 200 – მდე ადამიანი სარგებლობს, ასევე ერთ – ერთი დამაკავშირებელი მონაკვეთია ხარაგაულის მუნიციპალიტეტთან, პირველად ხორციელდება გზის ბეტონის საფარით მოწყობის სამუშაოები.

გზის რეაბილიტაციაზე 268879 ლარი იხარჯება. პროექტს რეგიონული განვითარების ფონდი აფინანსებს.

ალავერდის საავტომობილო გზის სარეაბილიტაციო სამუშაოები, ზესტაფონის მერმა, გიორგი გოგლიჩიძემ, ვიცე მერმა, დავით მაღრაძემ და საკრებულოს თავმჯდომარემ, ვახტანგ ღამბაშიძემ დაათვალიერეს.

“ინფრასტრუქტურულ პროექტებს რამდენიმე მისამართზე ერთდროულად ვახორციელებთ. ამ დროისთვის მერიის დაკვეთით, გზების რეაბილიტაციასთან ერთად, საფეხბურთო მოედნისა და სკვერის კეთილმოწყობაც მიმდინარეობს. გაზიფიცირების სამუშაოებია სანახშირის ადმინისტრაციულ ერთეულში, სადაც დამატებით 400 – მდე ოჯახი მიიღებს ბუნებრივ აირს. სულ მოკლე დროში კი შვიდი ახალი პროექტის განხორციელებას დავიწყებთ”, – აღნიშნა ზესტაფონის მერმა, გიორგი გოგლიჩიძემ