სალომე ზურაბიშვილს პროკურატურაში უჩივლეს

ადვოკატმა ალექსანდრე კობაიძემ ,სალომე ზურაბიშვილს პროკურატურაში უგულავას და ოქრუაშვილის შეწყალებისთვის უჩივლა.
ადვოკატი ითხოვს პროკურატურამ გამოიძიოს გიგი უგულავას და ირაკლი ოქრუაშვილის შეწყალებით პრეზიდენტის მიერ ჩადენილი სავარაუდო, სამოხელეო დანაშაული.

„საჩივარში ასახულია ის პროცედურული საკითხები, რაც თან ახლავს ხოლმე შეწყალებას. პრეზიდენტმა არც ერთი პუნქტი არ დაიცვა და ისე შეიწყალა ოქრუაშვილი და უგულავა. უგულავასა და ოქრუაშვილის საქმის გამოძიებაზე უამრავი რესურსი დახარჯა სახელმწიფომ, გამამტყუნებელი განაჩენი დადგა და შემდგომ ამ ადამიანების შეწყალება მოხდა. ხალხის აზრის გათვალისწინება უნდა მომხდარიყო და არ მოხდა, ეს იყო მისი პოლიტიკური გადაწყვეტილება, რისი შესაძლებლობაც პრეზიდენტს არ აქვს,“ – უთხრა ჟურნალისტებს ალექსანდრე კობაიძემ.