ზესტაფონში სოფელ მარტოთუბნის გზის რეაბილიტაცია დაიწყო

ზესტაფონში სოფელ მარტოთუბნის გზის რეაბილიტაცია დაიწყო.

სოფელ მარტოთუბანში, ყვავაძეების საუბნო გზის კეთილმოწყობა მიმდინარეობს. დასახლებაში პირველად ხორციელდება გზის ბეტონის საფარით მოწყობა. სოფლის საუბნო გზით ყოველდღიურ რეჟიმში დაახლოებით 200 ადამიანი სარგებლობს.

პროექტს რეგიონული განვითარების ფონდი აფინანსება და მისი ღირებულება 80 777 ლარია. სატენდერო ვალდებულებით, გზის აღდგენის სამუშაოებს შპს ” სანდრო” ახორციელებს.

სოფელ მარტოთუბნის გზის სარეაბილიტაციო სამუშაოები, ზესტაფონის მერმა, გიორგი გოგლიჩიძემ, საკრებულოს თავმჯდომარემ, ვახტანგ ღამბაშიძემ და მაჟორიტარმა დეპუტატმა, შალვა კიკნაველიძემ დაათვალიერეს.

როგორც გიორგი გოგლიჩიძემ აღნიშნა, ინფრასტრუქტურული პროექტები ზესტაფონის მუნიციპალიტეტში არსებული რეგულაციების სრული დაცვით განახლდა. მიმდინარე წელს საგზაო ინფრასტრუქტურულ პროექტთა შორის, ისეთი გზების რეაბილიტაციაა დაგეგმილი, სადაც მანამდე არასდროს განხორციელებულა ასეთი მასშტაბის სამუშაოები. მათ შორისაა, სოფელ მარტოთუბნის, ყვავაძეების საუბნო გზის მონაკვეთი, რომლის დასრულების შემდეგ ადგილობრივები შეზღუდვების გარეშე შეძლებენ გადაადგილებას”.