დღეს დილიდან რუსთავში მიმოსვლა აღდგა

რუსთავსა და გარდაბანში,დღეს დილიდან მიმოსვლა აღდგა. თუმცა, კვლავ მოქმედებს ე.წ. კომენდანტის საათი საღამოს 9-დან დილის 6 საათამდე.

კორონავირუსის მასობრივად გავრცელების შესაჩერებლად, უწყებათაშორისმა საკოორდინაციო საბჭომ 4 დიდი ქალაქის – თბილისის, რუსთავის, ქუთაისის და ბათუმის ჩაკეტვა 15 აპრილს გადაწყვიტა.

ეპიდემიოლოგიური მდგომარეობის გაუმჯობესების შედეგად, 5 მაისს შეზღუდვა მოიხსნა ქუთაისსა და ბათუმში და 11 მაისს თბილისში.

საკოორდინაციო საბჭოს გადაწყვეტილებით, 18 მაისს გაიხსნება მარნეული, რომელიც კორონავირუსის შიდა გავრცელების გამო, 23 მარტს გამოცხადდა მკაცრი კარანტინის ზონად.