ზესტაფონის მერი, გიორგი გოგლიჩიძე, მთავრობის მიერ ნებადართული საწარმოების მონიტორინგს აქტიურად ახორციელებს

ზესტაფონში, მარცვლეული ფაფების წარმოებას ხუთწლიანი ისტორია აქვს. საწარმო ნატურალური ფაფების წარმოებას დღესაც აგრძელებს და სრულად იცავს იმ სტანტარტებსა და რეგულაციებს, რაც პანდემიის არსებობის პირობებში საწარმოებს ეკისრებათ.

ზესტაფონის მერი, გიორგი გოგლიჩიძე, მთავრობის მიერ ნებადართული საწარმოების მონიტორინგს აქტიურად ახორციელებს, მერი მარცვლეული ფაფების საწარმოში, საკრებულოს თავმჯდომარესთან, ვახტანგ ღამბაშიძესთან და მაჟორიტარ დეპუტატთან, შალვა კიკნაველიძესთან ერთად მივიდა.

ხელისუფლების წარმომადგენლებმა, ადგილზე ნახეს, როგორ უხდება საწარმოს მუშაობა პანდემიის პირობებში და როგორ სრულდება ჯანდაცვის სამინისტროს რეგულაციები.

მნიშვნელოვანია, რომ ჩვენს ქალაქში, სხვა დიდ საწარმოთა შორის, არსებობს ბავშვთა კვების ნატურალური ხაზი , რომელიც მომხმარებელს, ნატურალური ნედლეულით დამზადებულ მარცვლეულის ფაფებს სთავაზობს. ეს არის სრულიად ჯანსაღი კვების პროდუქტი ჩვენი ბავშვებისთვის. მომხმარებელს კი ეს შესაძლებლობას აძლევს, უსაფრთხოდ და დაცულად იგრძნოს თავი-განაცხადა გიორგი გოგლიჩიძემ ნატურალური ფაფების დამამზადებელ საწარმოში სტუმრობისას.