მუნიციპალიტეტის ადმინისტრაციულ ერთეულებში საგაზაფხულო სამუშაოების მიმდინარეობის პროცესს ხელისუფლების წარმომადგენლები გაეცნენ

მუნიციპალიტეტის ადმინისტრაციულ ერთეულებში საგაზაფხულო სამუშაოების მიმდინარეობის პროცესს ხელისუფლების წარმომადგენლები გაეცნენ.

ზესტაფონის მერი, გიორგი გოგლიჩიძე, საკრებულოს თავმჯდომარე, ვახტანგ ღამბაშიძე და მაჟორიტარი დეპუტატი შალვა კიკნაველიძე, სოფლის დეპუტატებს, ასევე ადმინისტრაციულ ერთეულებში მერის წარმომადგენლებს შეხვდნენ და მიიღეს ინფორმაცია, კონკრეტულ დასახლებაში როგორ ხორციელდება ხვნა – თესვის სამუშაოები და რა პრობლემები აქვთ ადგილობრივებს.

როგორც გიორგი გოგლიჩიძემ განმარტა, სოფლებში გასვლითი შეხვედრები, კონკრეტულ დასახლებაში არსებული ვითარების ადგილზე გაცნობაა,რათა თვითმმართველობის წარმომადგენლებთან ერთად, კოორდინირებულად, ხელი შეუწყოთ მოსახლეობას ჩვეულ ვადებში განახორციელონ მიწის დამუშავების პროცესი და ამასთან ერთად დავეხმაროთ სირთულეების დაძლევაში.