ზესტაფონის მაჟორიტარმა დეპუტატმა, შალვა კიკნაველიძემ,მეორე მსოფლიო ომის ვეტერანებს ფაშიზმზე გამარჯვების დღე მიულოცა

75 წელი გავიდა მსოფლიოს უდიდეს ბოროტებაზე –
ფაშიზმზე გამარჯვებიდან. ყოველთვის უნდა გვახსოვდეს, რომ ჩვენმა პატარა ქვეყანამ უდიდესი წვლილი შეიტანა მსოფლიო ბოროტების დამარცხებაში. ჩვენ დავკარგეთ 300 000 საუკეთესო ქართველი, რომელთა სიცოცხლის ფასად მსოფლიომ სტაბილურობა და მშვიდობა მოიპოვა. მინდა, ეს დღე, უდიდესი პატივისცემით მივულოცო ჩვენს ვეტერანებს, ადამიანებს რომლებმაც საუკეთესო წლები შესწირეს უკეთესი მომავლისათვის ბრძოლას. მადლობა ფასდაუდებელი გმირობისთვის, გისურვებთ დიდხანს სიცოცხლეს და ჯანმრთელობას!”-განაცხადა შალვა კიკნაველიძემ.

ზესტაფონში მცხოვრებმა ვეტერანებმა, მუნიციპალიტეტის გადაწყვეტილებით, ერთჯერადად 500 ლარიანი დახმარებაც მიიღეს.

საქართველოს მთავრობის განკარგულები, ფაშიზმზე გამარჯვების 75 წლისთავთან დაკავშირებით, მეორე მსოფლიო ომის მონაწილეები ფულადი სოციალური დახმარების სახით 600 ლარს, ხოლო მეორე მსოფლიო ომში დაღუპულთა ოჯახის წევრები -300 ლარს მიიღებენ.