ზესტაფონში სისხლის უანგარო დონაციის აქცია გაიმართა!

“გაიღე სისხლი გადაარჩინე სიცოცხლე” – ზესტაფონის მუნიციპალიტეტი სისხლის უანგარო დონაციის აქციაში ჩაერთო.

აქცია, რომელიც ” ქართული ოცნება – დემოკრატიული საქართველოს” რაიონული ორგანიზაციის ინიციატივით გაიმართა, ზესტაფონის მერიისა და საკრებულოს წარმომადგენლები შეუერთდნენ.

აქციაში ზესტაფონის მერი, გიორგი გოგლიჩიძე, საკრებულოს თავმჯდომარე, ვახტანგ ღამბაშიძე და მაჟორიტარი დეპუტატი, შალვა კიკნაველიძე ჩაერთნენ.

“მინდა დიდი მადლობა ვუთხრა, აქციის ორგანიზატორებს და ყველა იმ ადამიანს, ვინც ჩაერთო სისხლის გაღების აქციაში. სხვისი სიცოცხლის გადარჩენისთვის ზრუნვა უდიდესი პასუხისმგებლობაა და ეს აქციაც სწორედ ამას ემსახურება”, – აღნიშნა ზესტაფონის მერმა, გიორგი გოგლიჩიძემ.

გაიღესისხლი_გადაარჩინესიცოცხლე