პლაზმაფერეზის გამოყენება COVID 19-ით პაციენტის სამკურნალოდ, საქართველოში პირველად მოხდა
პლაზმაფერეზის გამოყენება COVID 19-ით პაციენტის სამკურნალოდ, საქართველოში პირველად მოხდა.
თენგიზ ცერცვაძე საქართველოში COVID 19-ის დროს პლაზმაფერეზის წარმატებული გამოყენების შემთხვევაზე საუბრობს და აღნიშნავს, რომ სხვადასხვა ქვეყნებში გრძელდება კლინიკური კვლევები COVID 19-ის სამკურნალოდ ეფექტიანი მედიკამენტებისა და ახალი სამკურნალო მიდგომების დასადგენად.
ერთ-ერთი მიდგომაა პაციენტის სისხლში ციტოკინების და სხვა ანთებითი მედიატორების რაოდენობის შემცირება, რაც შეიძლება მიღწეულ იქნას პლაზმაფერეზის და სისხლის გაწმენდის საშუალებით სხვადასხვა ფილტრებისა და სორბენტების გამოყენებით.
პლაზმაფერეზი შესაძლოა, სასარგებლო გამოდგეს COVID 19-ით მძიმე ავადმყოფების სამკურნალოდ, მისი გამოყენება აუცილებლად უნდა მოხდეს ჩვენებების და უკუჩვენებების მკაცრად გათვალისწინებით-განაცხადა თენგიზ ცერცვაძემ.
