იმერეთში მეხუთე დღეა კორონავირუსის ახალი შემთხვევა არ გამოვლენილა

იმერეთში მეხუთე დღეა კორონავირუსის ახალი შემთხვევა არ გამოვლენილა.
მიუხედავად ამისა,ტესტირება ყოველდღიურ რეჟიმში გრძელდება -განაცხადა იმერეთში სახელმწიფო რწმუნებულმა ზვიად შალამბერიძემ.
„მე-5 დღეა, რაც ახალი შემთხვევა არ გვქონია. რა თქმა უნდა, ლაბორატორიული კვლევები გრძელდება, იქიდან გამომდინარე, რომ აქ საკარანტინე სივრცეები გვაქვს, ყველა ადამიანი საკარანტინე სივრცეს კვლევის შემდეგ ტოვებს. დღის განმავლობაში, 150-200 ტესტს ვიღებთ, თუმცა, როგორც აღვინიშნე, მე-5 დღეა, ყველას ტესტი უარყოფით შედეგს გვაძლევს“, – განაცხადა შალამბერიძემ.
რაც შეეხება სტიქიის შედეგად მიყენებულ ზარალს, შალამბერიძის თქმით, ჯერ საბოლოო ინფორმაცია არ არის და ზარალის დადგენა მიმდინარეობს.