ბათუმსა და ქუთაისში სატრანსპორტო გადაადგილებაზე დაწესებული შეზღუდვები გაუქმდა

სატრანსპორტო გადაადგილების შეზღუდვა ბათუმსა და ქუთაისში დღეიდან სრულად აღდგა.
ჯერჯერობით რჩება ბლოკ-საგუშაოები, სადაც თერმოსკრინინგი ჩატარდება. დღეიდან მუშაობა განაახლეს ავტოსარემონტო კომპანიებმა. თუმცა შეზღუდვების შემსუბუქების გადაწყვეტილება არ გულისხმობს ავტონაწილებით ვაჭრობას, მათი შეძენა მხოლოდ ონლაინ და ავტოტექმომსახურების გამწევ ადგილას იქნება დასაშვები. დღეიდან სამშენებლო სექტორში მომუშავე და ასევე, სამშენებლო მასალების მწარმოებელი ყველა კომპანია მუშაობას განაახლებს. ყველა კომპანია ვალდებულია შეასრულოს ჯანდაცვის ორგანიზაციების მიერ გაცემული რეკომენდაციები.
ამ ეტაპზე შეზღუდვები დარჩება თბილისსა და რუსთავში.