დღეიდან მუშაობა განაახლეს სამშენებლო და ავტომომსახურების კომპანიებმა

საქართველოს მთავრობის მიერ 24 აპრილს გამოქვეყნებული ანტიკრიზისული გეგმის თანახმად, კორონავირუსის გავრცელების გამო დახურული ობიექტები 2 კვირიანი შუალედებით უნდა გაიხსნას, ეპიდემიოლოგიური ვითარების გათვალისწინებით.
5 მაისიდან საქართველოში მუშაობა განაახლეს სამშენებლო კომპანიებმა, სამშენებლო მასალების მწარმოებლებმა, ავტოსამრეცხაოებმა და ავტოსარემონტო მომსახურების ობიექტებმა.
ჯანდაცვისა და ეკონომიკის სამინისტროების მიერ შექმნილი ჯგუფები ყოველდღიურად შეამოწმებენ, თუ რამდენად იცავენ კომპანიები კორონავირუსის ეპიდემიის პირობებში დაკისრებულ ვალდებულებებს და ჯანდაცვის სამინისტროს მითითებებს.