ხელისუფლების წარმომადგენლებმა საზოგადოებრივი კვების ობიექტები დაათვალიერეს

ზესტაფონის მერმა, გიორგი გოგლიჩიძემ, საკრებულოს თავმჯდომარესთან, ვახტანგ ღამბაშიძესთან და მაჟორიტარ დეპუტატთან, შალვა კიკნაველიძესთან ერთად, საზოგადოებრივი კვების ობიექტები დაათვალიერეს, რომლებიც საგანგებო მდგომარეობის პირობებში, დისტანციური მომსახურების სერვისით სარგებლობენ.

ხელისუფლების წარმომადგენლები, ადგილზე გაეცნენ, როგორ ასრულებენ კვების დაწესებულებები, ჯანდაცვის სამინისტროსა და სურსათის ეროვნული სააგენტოს მიერ მიღებულ რეკომენდაციებს და როგორ აგრძელებენ ფუნქციონირებას, სარეალიზაციო სივრცეში მომხმარებლის დაშვების გარეშე. კვების ობიექტების წარმომადგენლებს, ასევე პირბადეები დაურიგეს საჩუქრად.

როგორც ზესტაფონის მერმა აღნიშნა, როდესაც ქვეყანა ასეთი რთული გამოწვევის წინაშეა, მნიშვნელოვანია, ყველა იმ ობიექტების ფუნქციონირება, რომლებიც უსაფრთხოების წესების სრული დაცვით აგრძელებენ მუშაობას და ინარჩუნებენ სამუშაო ადგილებს.