მოხუცი მამაკაცი მაშველებმა გარდაცვლილი იპოვეს

80 წლის კაცი, რომელიც სოფლის ნახირს მწყემსავდა, 27 აპრილს გაუჩინარდა.
სამდღიანი ძებნის შემდეგ, თელავის მუნიციპალიტეტის სოფელ გულგულაში მცხოვრები მოხუცი მაშველებმა გარდაცვლილი იპოვეს. ცხედარს მყვინთავებმა დღეს დილით, მდინარე ალაზანში მიაკვლიეს.
საგანგებო სიტუაცების მართვის სამსახურის ინფორმაციით, იმავე დღეს, სამძებრო ოპერაციის დაწყებისას, ალაზნის ნაპირზე აღმოაჩინეს დაკარგული მოქალაქის ტანსაცმელი. მაშველების და მყვინთავების მონაწილეობით სამძებრო-სამაშველო სამუშაოები მიმდინარეობდა როგორც წყალში, ასევე, მდინარის სანაპირო ზოლზე დრონის და მდინარის ფსკერის მონიტორინგის საშუალების გამოყენებით.
ადგილზე პოლიცია და სამაშველო სამსახურია მობილიზებული.