კრიტიკულია მამაკაცის მდგომარეობა,თუმცა მას კორონავირუსი აღარ უდასტურდება

67 წლის მამაკაცს, ახალი კორონავირუსი ორჯერადი კვლევით აღარ უდასტურდება, თუმცა მისი მდგომარეობა კრიტიკული რჩება.
პირველი საუნივერსიტეტო კლინიკის დირექტორის ლევან რატიანის განცხადებით,
მამაკაცის მდგომარეობის სიმძიმე გამოწვეულია კოვიდ-19-ის გარეშე მიმდინარე პოლიორგანული უკმარისობით:
“ლუგარის ლაბორატორიამ გვიჩვენა, რომ ამ პაციენტთან ორჯერადი კვლევით არ არის კოვიდ ინფექცია, ანუ შემიძლია გითხრათ, რომ ამ ეტაპზე პაციენტს კოვიდ ინფექცია არ გააჩნია. მისი დამძიმების მიზეზი არის მისი ქრონიკული ფილტვ-გულის უკმარისობა და ასევე ამ ეტაპზე კლინიკურად სახეზეა მძიმე სეფსისი…პაციენტს უტარდება ყველანაირი მკურნალობა, ვნახოთ რა შედეგს მივიღებთ“, – განაცხადა ლევან რატიანმა.