რეგიონებში მსუბუქი ავტომობილებით საათობრივი გადაადგილება დაშვებული იქნება

პრემიერ-მინისტრის ხელმძღვანელობით მოქმედი უწყებათშორისი საკოორდინაციო საბჭოს დღევანდელი გადაწყვეტილებით, რეგიონებში, კონკრეტულად კი სოფლებში, სასოფლო-სამეურნეო საქმიანობის შეუფერხებლად გაგრძელების მიზნით, დაშვებული იქნება მსუბუქი ავტომობილებით საათობრივი გადაადგილება.

ავტომობილებით საათობრივი გადაადგილება ვრცელდება, სასოფლო-სამეურნეო სამუშაოების განხორციელების მიზნით, დილის 6 საათიდან 8 საათამდე, და საღამოს 6 საათიდან 7 საათამდე.

ადგილობრივი მუნიციპალიტეტები და რეგიონული შტაბები განახორციელებენ შესაბამისი ნებართვების გაცემას.

გადაადგილების დროს დაცული უნდა იქნას, ჯანდაცვის სამინისტროს მიერ დადგენილი რეკომენდაციები, მგზავრთა გადაადგილების უსაფრთხოების წესები.