წყალტუბოს ერთ-ერთ საკარანტინე სივრცეში უსაფრთხოების ზომები დაცული არ არის

წყალტუბოს მუნიციპალიტეტის საზოგადოებრივი ჯანდაცვის ხელმძღვანელის,მარინა ტყეშელაშვილის განცხადებით ,წყალტუბოს ერთ-ერთ საკარანტინე სივრცეში უსაფრთხოების ზომები დაცული არ არის.მისი განმარტებით იზოლირებულ ადამიანებს ერთმანეთთან კონტაქტი აქვთ,ვინაიდან შენობაში არ არის სათვალთვალო კამერები.
თავიდანვე ვამბობდი, რომ ამ სასტუმროში კარანტინი არ უნდა მოწყობილიყო, რადგან უსაფრთხოების ზომები არაა დაცული. დერეფანი არ კონტროლდება სათვალთვალო კამერით. ვაცნობეთ ტურიზმის დეპარტამენტს, მაგრამ არ გაითვალისწინეს. ბიჭი, რომელსაც ვირუსი აღმოაჩნდა ,შეხება ჰქონდა ამ სასტუროში მყოფ სხვა პირებთან და ათ ადამიანს ანალიზი ავუღეთ,“ – განაცხადა მარინა ტყეშელაშვილმა.