ზესტაფონში სატვირთო მატარებლის ვაგონში გაჩენილ ხანძარს ერთი ადამიანი ემსხვერპლა

რკინიგზის სადგურ ,,ზესტაფონში’’ მატარებლის ვაგონს, რომელიც ფოთი- თბილისის  მიმართულებით გადაადგილდებოდა, ცეცხლი გაუჩნდა. დაღუპულია  შუახნის მამაკაცი.

     თვითმხილველთა თქმით, ვაგონიდან ამოსული კვამლი მათ მატარებლის სადგურში შემოსვლისთანავე შეამჩნიეს, რომელიც თანდათანობით ძლიერდებოდა და შესაბამის სამსახურებსაც შეატყობინეს. შემთხვევის აგდილზე 3 სახანძრო-სამაშველო ჯგუფი მუშაობდა.

     ამბობენ, რომ ცეცხლი სატვირთო- საკონტეინერო მატარებლის შემადგენლობის გამცილებლის ვაგონში გაჩნდა, რამაც დაკვამლიანება გამოიწვია.      მომხდარზე გამოძიება 188-ე მუხლის მე-3 ნაწილით დაიწყო, რაც ნივთის დაზიანებას ან განადგურებას გულისხმობს, რამაც ადამიანის სიცოცხლის მოსპობა გამოიწვია.