ძლიერმა ქარმა, ზესტაფონში, აღმაშენებლის ქუჩაზე, რამდენიმე ხე წააქცია
ძლიერმა ქარმა, ზესტაფონში, აღმაშენებლის ქუჩაზე, რამდენიმე ხე წააქცია. შემთხვევის შედეგად, არავინ დაზარალებულა. ადგილზე იყვნენ მობილიზებული სახანძრო – სამაშველო ბრიგადები, დასუფთავებისა და კეთილმოწყობის, “ენერგო პრო ჯორჯიას” წარმომადგენლები, რომლებმაც ოპერატიულად შეძლეს, პრობლემის აღმოფხვრა.
ადგილზე იმყოფებოდა, ზესტაფონის მერი, გიორგი გოგლიჩიძე. მერმა მადლობა გადაუხადა, ყველა სამსახურს დროული რეაგირებისთვის.
“ძლიერი ქარის შედეგად, ადმინისტრაციულ ერთეულებში, დაზიანდა ელექტროგადამცემი ბოძები. შემთხვევის ადგილზე მუშაობდნენ “ენერგო პრო ჯორჯიას” ბრიგადები და ოპერატიულად მოხდა ყველა დაზიანების აღმოფხვრა. ამ დროისთვის ყველა სოფელს მიეწოდება დენი. მერიის ცხელ ხაზზე, ასევე შემოვიდა შეტყობინება, რომ ძლიერმა ქარმა რამდენიმე სახლს გადახადა სახურავი. ყველა ასეთ შემთხვევას ადგილზე სწავლობენ მერიის შესაბამისი სამსახურები და მოხდება მათი დახმარება. მინდა მადლობა გადაუხადო, სახანძრო – სამაშველო, “ენერგო პრო ჯორჯიას” ბრიგადებს, დასუფთავებისა და კეთილმოწყობის სამსახურს დროული რეაგირებისთვის” , – გიორგი გოგლიჩიძე.
