საწვავზე გაზრდილი ფასები ქუთაისში მორიგი აქციით გააპროტესტეს

საწვავზე გაზრდილი ფასები ქუთაისში მორიგი აქციით გააპროტესტეს. ავტომობილების მფლობელები, ტაქსის მძღოლები და აქტივისტები მესამედ შეიკრიბნენ და გაორმაგებული ფასები გააპროტესტეს.

ისინი ხელისუფლებას რეაგირებისკენ მოუწოდებენ და ამბობენ, რომ საწვავის ფასი ყოველდღიურად იზრდება, რაც სერიოზულ პრობლემას წარმოადგენს ავტომფლობელებისთვის.

აქციის მონაწილეები დღესვე გეგმავენ ავტობანის გადაკეტვას, მოთხოვნის შეუსრულებლობის შემთხვევაში კი პერმანენტულ აქციებს აანონსებენ.

„მესამე აქციას ვმართავთ, რადგან შედეგი არ გვაქვს. ყოველდღიურად იმატებს საწვავის ფასი. მივმართავთ ხელისუფლებას, დროულად მოახდინოს რეაგირება. დღეს ვაპირებთ ავტობანზე დავაყენოთ მანქანები, ეს იქნება გამაფრთხილებელი, თუ შედეგი არ მოყვება, პერმანენტული აქციები გვექნება“, – განაცხადეს აქციის მონაწილეებმა.

interpressnews.