დისტანციური სწავლების რეჟიმში რისკჯგუფში მყოფი 69 პედაგოგი დარჩა

სასწავლო პროცესის საკლასო ოთახებში სრულად განახლების შემდეგ, მთელი ქვეყნის მასშტაბით, დისტანციური სწავლების რეჟიმში, რისკჯგუფში მყოფი 69 პედაგოგი დარჩა.

როგორც“ინტერპრესნიუსს“ განათლების სამინისტროში განუცხადეს, მასწავლებლებმა დისტანციური სწავლების ფორმატში დარჩენის მიზნით სკოლას პირადი განცხადებით მიმართეს.

ცნობისთვის, განათლების სამინისტრო რისკჯგუფში მყოფ მასწავლებლებს სთავაზობდა შესაბამისი სამედიცინო დასკვნის საფუძველზე, სკოლის ადმინისტრაციაში განეცხადებინათ და მუშაობა დისტანციურ ფორმატში გაეგრძელებინა. ამასთან, რამდენიმეთვიანი დისტანციური სწავლების შემდეგ, საქართველოს მთელ ტერიტორიაზე, სასწავლო პროცესი საკლასო ოთახებში15 თებერვლიდან განახლდა.