ჯანმრთელობის პრობლემის გამო რომის პაპი 2 დღის განმავლობაში ცერემონიებს ვერ დაესწრება

ჯანმრთელობის პრობლემის გამო რომის პაპი ფრანცისკე 2 დღის განმავლობაში ცერემონიებს ვერ დაესწრება. ამ ინფორმაციას მედია ვატიკანის მერ გავრცელებულ განცხადებაზე დაყრდნობით ავრცელებს.

მათი თქმით, პაპს რადიკულიტი გაუმწვავდა და ფეხის ძლიერი ტკივილები აქვს. შედეგად კი ის 24 და 25 იანვრის განმავლობაში დაგეგმილ 3 სხვადასხვა რელიგიურ ცერემონიას ვერ გაუძღვება.

Reuters-ის თანხმად, 84 წლის პაპ ფრანცისკეს ფეხისა და წელის არეში ძლიერი ტკივილები ხშირად აქვს და რეგულარულად სჭირდება ფიზიკური თერაპია.

გასული წლის დეკემბერში ჯანმრთელობის პრობლემების გამო პაპმა შობასთან დაკავშირებულ რამდენიმე რელიგიურ ცერემონიაში მონაწილეობა ვერ შეძლო.