ლონდონში მოსახლეობის ვაქცინაცია 24/7 რეჟიმში განხორციელდება

ლონდონში მოსახლეობის ვაქცინაცია 24/7 რეჟიმში განხორციელდება, – ამის შესახებ გაერთიანებული სამეფოს მინისტრმა ვაქცინაციის საკითხებში ნადიმ ზაჰავიმ განაცხადა.

მისი თქმით, დედაქალაქში საპილოტე პროგრამა იანვრის ბოლოდან ამოქმედდება.

აღსანიშნავია, რომ დღეიდან ინგლისში ვაქცინაციის შემდგომი ფაზა, ანუ 70 წლიდან ასაკის პირებისა და იმ მოქალაქეების აცრა იწყება, რომლებიც სხვადასხვა დაავადების გამო ვირუსის მიმართ უკიდურესად დაუცველად ითვლებიან.

ცნობისათვის, შაბათის მონაცემებით, გაერთიანებულ სამეფოში კორონავირუსის საწინააღმდეგო ვაქცინის პირველი დოზა 3 857 266 ადამიანს გაუკეთდა.