თურქეთი სკოლების გახსნას 15 თებერვლიდან გეგმავს

თურქეთში სკოლების გახსნა 15 თებერვლიდან იგეგმება, – ამის შესახებ თურქეთის განათლების მინისტრმა განაცხადა.

„მივიღეთ გადაწყვეტილება 15 თებერვლიდან სკოლების გახსნის შესახებ,“ – აღნიშნა ზია სელჩუკმა.

მისივე თქმით, ამ ეტაპზე, პანდემიის გამო, ყველა კლასის ერთდროულად გახსნა შესაძლებელი არ არის.

შეგახსენებთ, თურქეთში სკოლები სექტემბრის ბოლოდან ნაწილობრივ გაიხსნა, თუმცა, ეპიდსიტუაციის გამო, სწავლა 20 ნოემბრიდან ონლაინ ფორმატში გაგრძელდა.