საფრანგეთის საგარეო უწყება ალექსეი ნავალნის დაკავების გამო შეშფოთებას გამოხატავს და მის დაუყოვნებლივ გათავისუფლებას მოითხოვს

საფრანგეთის საგარეო საქმეთა სამინისტრო კრემლის კრიტიკოსის, ალექსეი ნავალნის დაკავების გამო შეშფოთებას გამოხატავს და მის დაუყოვნებლივ გათავისუფლებას მოითხოვს.

„საფრანგეთი შეშფოთებულია ალექსეი ნავალნის რუსეთში დაკავების ფაქტით. ევროპელ პარტნიორებთან ერთად, იგი მაქსიმალურად ფხიზლად ადევნებს თვალყურს სიტუაციას და მის დაუყოვნებლივ გათავისუფლებას მოითხოვს,” -აღნიშნულია საფრანგეთის საგარეო საქმეთა სამინისტროს პრესსპიკერის სპიკერმა აგნეს ფონ დერ მუჰლის განცხადებაში.

ცნობისთვის, ბერლინიდან მოსკოვში დაბრუნებული რუსი ოპოზიციონერი, ალექსეი ნავალნი „შერემეტიევოს“ აეროპორტში დააკავეს. ის ბერლინის კლინიკაში სამკურნალოდ ნერვული აგენტით მოწამვლის შემდეგ გადაიყვანეს.