„ექსპო ჯორჯიასთან“ სამოქალაქო აქტივისტების აქცია დასრულდა, აქციის მონაწილეები პროტესტის შს სამინისტროს შენობასთან გაგრძელებას გეგმავენ
Shota
იან 16
„ექსპო ჯორჯიასთან“ სამოქალაქო აქტივისტების აქცია დასრულდა. როგორც აქციის მონაწილეები აცხადებენ, ისინი პროტესტს შინაგან საქმეთა სამინისტროს შენობასთან გააგრძელებენ.
„ექსპო ჯორჯიაში“ „ქართული ოცნების“ პარტიული ყრილობა იმართება, პალელურად კი მიმდებარე ტერიტორიაზე სამოქალაქო აქტივისტებმა აქცია გამართეს. მათივე განმარტებით, „ქართულმა ოცნებამ” 2020 წლის საპარლამენტო არჩევნები გააყალბა, მათი პროტესტის მიზეზიც სწორედ ეს არის. აქტივისტებმა „ექსპო ჯორჯიასთან“, სამტრედიის ქუჩის გადაკეტვა სცადეს, რისი უფლებაც პოლიციამ არ მისცა. აქციის მიმდინარეობისას რამდენჯერმე მოხდა დაპირისპირება აქციის მონაწილეებსა და პოლიციას შორის, რის გამოც აქტივისტების ინფორმაციით, დაახლოებით 10 სამოქალაქო აქტივისტია დაკავებული.
