ლატალში კლდის ნაწილი ჩამოიშალა

ლატალში კლდის ნაწილი ჩამოიშალა, რის გამოც ცენტრალური გზა გადაკეტილია. როგორც მესტიის მუნიციპალიტეტის მერმა კაპიტონ ჟორჟოლიანმა „ინტერპრესნიუსს“ განუცხადა, გზის გაწმენდითი სამუშაოები დაწყებულია.

კლდის ჩამოშლის მიზეზად უამინდობა სახელდება.

მერის ინფორმაციით, გზა ერთ საათში გაიხსნება და ამ დროის განმავლობაში საჭიროების მიხედვით გაწმენდით სამუშაოებში დამატებითი ტექნიკაც ჩაერთვება.