ოლიმპიური ჩემპიონი ძიუდოში დავით ხახალეიშვილი 49 წლის ასაკში გარდაიცვალა

ოლიმპიური ჩემპიონი ძიუდოში დავით ხახალეიშვილი გარდაიცვალა. ამის შესახებ ინფორმაციას ძიუდოს ეროვნული ფედერაცია ავრცელებს.

„ლეგენდარული ქართველი ძიუდოისტი, ოლიმპიური ჩემპიონი დავით ხახალეიშვილი მძიმე ავადმყოფობის შემდეგ 49 წლის ასაკში გარდაიცვალა“, – ნათქვამია ძიუდოს ეროვნული ფედერაციის გვერდზე გავრცელებულ ინფორმაციაში.

დავით ხახალეიშვილი ოლიმპიური თამაშების ჩემპიონი, ბარსელონის 1992 წლის ოლიმპიადაზე გახდა.