შოტლანდიაში 5 იანვრიდან 31 იანვრამდე საყოველთაო კარანტინის რეჟიმი იმოქმედებს

შოტლანდიაში 5 იანვრიდან 31 იანვრამდე საყოველთაო კარანტინის რეჟიმი იმოქმედებს. აღნიშნული განცხადება შოტლანდიის პრემიერ-მინისტრმა ნიკოლა სტარჯონმა გაავრცელა.

მისი თქმით, მკაცრი შეზღუდვების დროს შოტალნდიელები ვალდებულები იქნებიან სახლში დარჩნენ და აუცილებელი შემთხვევების გარდა საცხოვრებელი არ დატოვონ.

ამასთან, შოტლანდიაში სკოლები თებერვლამდე დაიხურა, იქამდე კი სწავლა კვლავ დისტანციურ რეჟიმში გაგრძელდება.

პანდემიის დაწყებიდან დღემდე, შოტლანდიაში კორონავირუსის 135 000-ზე მეტი შემთხვევა დადასტურდა, ვირუსს 4 578 ადამიანი ემსხვერპლა.