ჯო ბაიდენი დონალდ ტრამპს მოუწოდებს, ეკონომიკური სტიმულირების კანონპროექტს ხელი დაუყოვნებლივ მოაწეროს

აშშ-ის არჩეული პრეზიდენტი ჯო ბაიდენი დონალდ ტრამპს მოუწოდებს ეკონომიკური სტიმულირების კანონპროექტს ხელი დაუყოვნებლივ მოაწეროს.

ბაიდენის თქმით, პროცესის გაჭიანურების გამო მილიონობით უმუშევრად დარჩენილი ამერიკელი დახმარებას ელოდება.

„პასუხისმგებლობის ასეთ უგულებელყოფას გამანადგურებელი შედეგები მოაქვს, ეს კანონპროექტი გადამწყვეტია, ტრამპმა მას ხელი ახლავე უნდა მოაწეროს“, – განაცხადა აშშ-ის არჩეულმა პრეზიდენტმა.

აშშ-ის კონგრესის მიერ შეთავაზებული თანხა 900 მილიარდ ევროს შეადგენს, საიდანაც უსამსახუროდ დარჩენილი თითოეული ამერიკელი თვეში 600 დოლარს მიიღებდა. აშშ-ის პრეზიდენტმა კი განაცხადა, რომ ეს თანხა საკმარისი არაა და თითოეულმა ამერიკელმა კომპენსაციის სახით 2 000 აშშ დოლარი უნდა მიიღოს.