აშშ-ის დაავადებათა კონტროლის ცენტრი – პირბადეების სწორ გამოყენებას, მათ შორის ზოგჯერ სახლებშიც, კორონავირუსის გავრცელების შესაჩერებლად გადამწყვეტი მნიშვნელობა აქვს

აშშ-ის დაავადებათა კონტროლისა და პრევენციის ცენტრში აცხადებენ, რომ პირბადეების სწორ გამოყენებას, მათ შორის ზოგჯერ სახლებშიც, კორონავირუსის გავრცელების შესაჩერებლად გადამწყვეტი მნიშვნელობა აქვს.

„პირბადეების სწორი და თანმიმდევრული გამოყენება (როგორც ოჯახების გარეთ, ისე ზოგიერთ შემთხვევაში, ოჯახებშიც) არის საზოგადოებრივი ჯანდაცვის სტრატეგია, რომელსაც SARS-CoV-2-ის გადაცემის მაჩვენებლის შესამცირებლად კრიტიკული მნიშვნელობა აქვს, მითუმეტეს, იმ ფონზე, როდესაც ინფიცირების შემთხვევების დაახლოებით ნახევარი ვრცელდება უსიმპტომო ინფიცირებულებისგან,“- აღნიშნულია აშშ-ის დაავადებათა კონტროლისა და პრევენციის ცენტრის მიერ გავრცელებულ განცხადებაში.