ზესტაფონის მუნიციპალიტეტში მცხოვრები ფერმერებისთვის და დაინტრესებული პირებისთვის კომპოსტირების თემაზე ტრენინგი ჩატარდა
ზესტაფონის მუნიციპალიტეტში მცხოვრები ფერმერებისთვის და დაინტრესებული პირებისთვის კომპოსტირების თემაზე ტრენინგი ჩატარდა.
ტრენინგის ფარგლებში, მონაწილეებმა დეტალურად მიიღეს ინფორმაცია კომპოსტირების მნიშვნელობასა და უპირატესობებზე. როგორ უნდა აწარმოონ საყოფაცხოვრებო პირობებში კომპოსტი და როგორ შეძლონ მისი გამოყენება სოფლის მეურნეობაში სასუქად.
ტრენინგ – სემინარს აწსუ ასოციაციის პროფესორი, იმერეთის მხარის მეცნიერთა კავშირ „სპექტრის“ აღმასრულებელი დირექტორი ქეთევან ცხაკაია უძღვებოდა.
აღნიშნული პროექტი – „მუნიციპალური ნარჩენების გეგმის მონიტორინგი და ფერმერთა ინფორმირებულობა ბიოსასუქის რესურსის გამოყენებაზე“ ასოციაცია „ქალები რეგიონების განვითარების“ მიერ ხორციელდება.
პროექტის წარმომადგენლები, ზესტაფონის მერს, გიორგი გოგლიჩიძეს და ვიცე მერს, დავით მაღრაძეს შეხვდნენ. ასოციაცია „ქალები რეგიონების განვითარების“ წარმომადგენელმა მადლობა გადაუხადა მუნიციპალიტეტის მერს თანამშრომლობისა და მხარდაჭერისათვის.
პროექტი – „მუნიციპალური ნარჩენების გეგმის მონიტორინგი და ფერმერთა ინფორმირებულობა ბიოსასუქის რესურსის გამოყენებაზე“ იმერეთის რეგიონის ოთხ მუნიციპალიტეტში – ზესტაფონში, თერჯოლაში, ბაღდადში და სამტრედიაში ხორციელდება.
