ქუთაისში 31 წლის კაცმა მამა მოკლა

ქუთაისში სამართალდამცავებმა მამაკაცი დააკავეს , რომელმაც მამა მოკლა.
იგი ალკოჰოლური ზემოქმედების ქვეშ იმყოფებოდა.

ინციდენტი 24 მაისს მოხდა. ქუთაისში, თბილისის ქუჩაზე, საცხოვრებელ სახლთან 31 წლის კაცმა 52 წლის მამას ცივი იარაღის გამოყენებით სხეულზე რამდენიმე ჭრილობა მიაყენა. ეს უკანასკნელი მიყენებული ჭრილობების შედეგად საავადმყოფოში გარდაიცვალა.

გამოძიება ოჯახის წევრის მიმართ დამამძიმებელ გარემოებაში ჩადენილ განზრახ მკვლელობის ფაქტზე, საქართველოს სისხლის სამართლის კოდექსის 11 პრიმა-109-ე მუხლის მე-2 ნაწილის “ვ” ქვეპუნქტით მიმდინარეობს.

დანაშაული 13-დან 17 წლამდე ვადით თავისუფლების აღკვეთას ითვალისწინებს.