ზესტაფონში კორონავირუსის პირველი შემთხვევა დაფიქსირდა

ზესტაფონში კორონავირუსის პირველი შემთხვევა დაფიქსირდა. მამაკაცს, რომელსაც კორონავირუსის სიმპტომები აღენიშნებოდა ზესტაფონის საავადმყოფოდან გვიან ღამით ქუთაისის რეფერალურ ჰოსპიტალში გადაიყვანეს. პაციენტის ჯანმრთელობის მდგომარეობა ამ მომენტისათვის სტაბილურია. მამაკაცს დიარეა და ზოგადი სისუსტე აღენიშნება.

  ცნობისთვის, საქართველოში დღს კორონავირუსით კიდევ 11 ადამიანი დაინფიცირდა, 19 კი გამოჯანმრთელდა. ბოლო მონაცემებით, საქართველოში კორონავირუსით ინფიცირებული 713 ადამიანია, აქედან 475 უკვე გამოჯანმრთელდა. გარდაიცვალა 12 ადამიანი.